A área de Deportes achega 30.000 euros á realización da proba, unha das citas máis agardadas polos pilotos e afeccionadas e afeccionados ao motor de toda Galicia. A carreira, que se desenvolverá en dúas etapas, puntúa para ao Campionato de Galicia de Rallyes co máximo coeficiente.
O rally discorrerá por treitos dos concellos de Lugo, Outeiro de Rei, Friol, Meira e Pol, cos que sumará un percorrido total de 379 quilómetros, 91,3 deles correspondentes a oito treitos cronometrados por estradas asfaltadas pechadas ao tráfico.
A cerimonia de saída será o venres 25 ás 20.00 horas na Praza Maior da capital lucense.