Ambos os partidos amigables fixáronse para o 10 e o 11 de decembro. O primeiro deles terá lugar no pavillón A Raña da localidade pontevedresa de Marín. Xa o mércores o duelo hispano-nipón trasladarase ata a provincia de Lugo. A pista de Vista Alegre, en Burela, acollerá o segundo dos enfrontamentos.
As actuais campioas de Europa enfrontáronse á selección xaponesa en varias ocasións. A última vez que ambos os equipos se cruzaron na pista foi hai catro anos no Torneo Mundial de Guatemala. Aquel 25 de novembro de 2015, España conseguiu impoñerse ás asiáticas 5-2.