En Foz precisamos de forma urxente unha optimización de este peirao que xa leva en situación catastrófica moitos anos e con promesas de solucións que se remontan a época do bipartito e que xa se fan eternas.
A vista está e como un claro exemplo temos a recente optimización do outro peirao focego “O Muelle” que rapidamente encheu as infraestruturas novas creadas e que claramente xera riqueza nos arredores do mesmo.
Pero a ninguén se lle ten que esquecer que seguemos a ter outro peirao o de Porto Chico, seguemos a ter unha lista de espera moi grande para ter un atraque deportivo en Foz, seguemos a ter un sector como é o dos profesionais que precisan como auga de Maio operar nese peirao con seguridade e que agora non poden facer, seguemos a ter un crecemento de empresas de turismo náutico que precisan dunhas instalacións óptimas para poder traballar.
En definitiva seguemos a ter en Foz un recurso moi importante e valioso como é o de un peirao, sin poder utilizar e aproveitar, e esta situación que se alarga tanto no tempo, so se soluciona se ademais das eternas promesas hai VONTADE POLITICA de querer facelo.
Trala reunión acordamos acudir a unha nova reunión en Santiago para voltar a explicar a nova presidenta de portos Susana Lenguas a necesidade imperiosa de arranxar Porto Chico