Estas accións formativas, organizadas pola Federación de Alzheimer de Galicia, Consellería de Política Social da Xunta de Galicia e AFAN Burela, en colaboración co Concello de Foz, están dirixidas a familiares coidadores de persoas que sofren algún tipo de demencia. O curso é gratuito para os asistentes, ten unha duración de 8 horas e levarase a cabo os días;26 e 27 de novembro e 2 e 3 de decembro, de 17:00h a 19:00h, na Casa da Cultura de Foz. As persoas que desexen asistir deben inscribirse previamente en AFAN Burela (982 58 06 10) ou na Delegación de Servizos Sociais do Concello de Foz (982 13 35 66).
