Por todo isto preguntaremos no pleno do día 11 de decembro, si o goberno do PSOE ten contemplado entre as súas liñas de actuación e no seu suposto proxecto de orzamento de 2020, a convocatoria dun programa de axudas e/ou convenios de colaboración dirixidas a entidades viveirenses sen ánimo de lucro prestadoras de servizos sociais para a contratación de persoal e desenvolvemento das súas actividades no exercicio 2020. E tamén, si o goberno municipal estaría disposto a estudar a viabilidade dun proxecto de rehabilitación e acondicionamento do edificio Calvo Sotelo, para darlle uso como Centro de Día dirixido a persoas con Alzheimer e/ou outras demencias, así como a súa cesión a AFA? Edificio que decidimos suxerir desde o BNG pola súa practicidade para as necesidades demandadas, e que AFA acolleu de forma moi positiva a nosa proposta.