Entregados os premios aos gañadores do terceiro Campañazo de xaneiro do CCA de Foz

 Foz, 30 de xaneiro de 2020. Entregados os premios aos gañadores do terceiro Campañazo de xaneiro do CCA de Foz. Rafael Rodríguez Legaspi recibiu 300 euros en vales de compra para gastar nos comercios participantes. O afortunado cantou o premio no bar Acuario e obtivo o seu cartón en Centro Óptico Eliseo. Oito persoas máis repartíronse os outros 300 euros en vales de compra.
No acto de entrega de premios participaron Vanesa López, de Centro Óptico Eliseo; Idiolita Gonçalvez, do bar Acuario; e Olaya Pedrosa, secretaria de Acia Foz.
Mañá, venres, ás 23:00 horas terá lugar o cuarto e último sorteo do Campañazo de xaneiro, que organiza o Centro Comercial Aberto de Foz. En xogo estarán outros 600 euros en vales de compra para gastar nos comercios participantes.