Os populares continúan deste xeito a manter encontros con representantes de distintos colectivos e entidades da comarca para escoitar as súas demandas e trasladalas ás distintas institucións.
A SD Burela é unha entidade deportiva burelesa que nace no ano 1966 e que xestiona o equipo de fútbol da localidade, ademais de formar aos máis pequenos en relación a este deporte no marco das escolas deportivas nas que participan máis de 200 nenos e nenas.
Os populares defenden a súa actividade en estreita vinculación coa vila e a súa implicación co deporte e, en especial, co deporte base que contribúe ao desenvolvemento persoal dos rapaces e rapazas a través da ensinanza dos distintos valores asociados á práctica deportiva. Vega reivindica, polo tanto, a importancia deste tipo de servizos que prestan nos municipio da Mariña entidades deportivas coma a SD Burela.
Así, o deputado popular escoitou as necesidades que lle trasladaron os membros da directiva da sociedade co obxectivo de tratar de darlles resposta. Rouco, pola súa banda, lamentou que “non sexa o goberno local de Burela o que ofreza esas solucións que precisa unha entidade deportiva da magnitude da SD Burela”.