A exposición, organizada en colaboración coa asociación de Inmigrantes e Retornados Rioplatenses en Lugo, recolle material fotográfico e documental en torno á emigración galega a América, e durante a visita Silvia Fiallega Lorenzo destacou o enriquecemento cultural e emocional que orixinan as migracións, invitando a lembrar a acollida que recibían os galegos cando chegaban a América, ao tempo que desmitificar certos estereotipos que soen ir vencellados ás migracións.
Durante a visita tamén compartiron as súas experiencias e lembranzas familiares, aportando tamén o seu propio material fotográfico e testemuños persoais en relación á emigración.
Tamén houbo espazo para a emoción e a nostalxia, dado que unha boa parte das persoas asistentes asistiran na súa infancia (algunhas hai xa 70 anos) á escola nesas mesmas instalacións.