O Concello de Viveiro repartirá as mascarillas solicitadas ata o venres para os nenos e grupos de risco e retomará o servizo cando dispoña de novo material

 Viveiro, 20 de abril de 2020. O Concello de Viveiro habilitou dous números de teléfono para os veciños que precisaran mascarillas infantiles ou que pertenceran a algún dos grupos de risco polo COVID-19, para entregarlles as mascarillas realizadas polos voluntarios da iniciativa posta en marcha polo concello, pero tendo en conta a gran cantidade de chamadas recibidas informa de que, de momento, non é posible atender máis pedidos.

Coas peticións recibidas ao longo da semana pasada cubríronse as existencias do material disponible; ao longo dos vindeiros días, acabarase de entregar todo o material solicitado ata o pasado venres, xa que todas as peticións recibidas ata ese día van a ser atendidas.

Se houbera previsión de poder dispoñer novamente de material suficiente para poder realizar unha nova entrega de mascarillas, volveríanse a habilitar os números de teléfono, abrindo un novo periodo para que todos os veciños e veciñas puideran realizar máis pedidos.

Dende o Concello de Viveiro quérese agradecer, unha vez máis, a todas aquelas persoas que están a traballar nesta iniciativa solidaria para a confección e reparto de mascarillas entre distintos colectivos.