Encontro en Mondoñedo en memoria do poeta Xosé Crecente Vega
redac
Un grupo de asociacións culturais reuniuse nun acto en memoria de Xosé Crecente Vega, como antesala á conmemoración en 2021 dos cento vinte e cinco anos do seu nacemento. Durante o encontro, celebrado na Aula Xosé Crecente Vega do Seminario de Mondoñedo, os asistentes analizaron os últimos materiais e accións relacionados coa súa figura, encamiñados a propoñer que a próxima edición do Día das Letras Galegas recoñeza o labor deste poeta de Castro de Rei.
