“Estamos escoitando á xente que está profundamente preocupada polo que está pasado, en parte polo virus que, a nivel sanitario, está máis superado pero non a nivel económico, xa que a pandemia trae un parón da economía impresionante”. Por este motivo, Puy apelou á unidade que ofrece o candidato do PP de Galicia, Alberto Núñez Feijóo, para “sacar o país adiante e apoiar á xente que xera emprego” e iso, dixo, “só se pode facer cun goberno no que para gobernar non teñan que andar negociando uns cos outros, pois xa vimos noutras administracións que non son gobernos eficaces”.
A este respecto, trasladou aos vilalbeses a importancia de que o 12 de xullo apoien a Núñez Feijóo “para seguir dando aos galegos confianza, certezas e estabilidade”. Todo, indicou, “baixo o paraugas dun presidente que goberna pero tamén xestiona, que cumpre a súa palabra e que traduce o dito en feitos”.