Na súa exposición, Blanco sinalou que “hay un proyecto alternativo que, en el ámbito de la energía, apostaría por la energía renovable donde se apostaría por el hidrógeno verde y con una inversión industrial en la planta que le garantizaría la rentabilidad en el futuro”.
Raúl Blanco incidiu en que agora é o momento, aproveitando a prórroga das consultas ata o 4 de agosto, de iniciar as negociacións co grupo investidor, debido a que Alcoa ten claro que non quere seguir. E durante estas negociacións non é necesario despedir a ninguén.
O secretario xeral de Industria lembrou varias actuacións do Goberno para facilitar a competitividade das empresas do sector, como a aprobación do Fondo de Garantías como os avances no Estatuto Electrointensivo.
Na reunión interviñeron o conselleiro de Economía e Industria da Xunta, Francisco Conde, o delegado do Goberno en Galicia, Javier Losada, o presidente de Alcoa en España, Álvaro Dourado, o presidente do comité de empresa, José Antonio Zan, e os responsables autonómicos de industria de UXT, CCOO e CIG. Tamén asistiron a subdelegada do Goberno en Lugo, Isabel Rodríguez, o director xeral de Industria e Peme do Ministerio, Galo Gutiérrez, o subdirector adxunto de Enerxía Eléctrica do Ministerio para a Transición Ecolóxica e o Reto Demográfico, Carlos Redondo, e varios representantes do comité de empresa de San Cibrao.