O BNG de Cervo demanda o servizo de pediatria no Concello sen servizo desde fai mais de catro meses

 Cervo, 24 de xullo de 2020.  O BNG presentou no pleno ordinario do concello de Cervo celebrado este xoves as 13:00hrs. unha moción de urxencia para demandar a cobertura da praza de pediatría por baixa da titular desde fai mais de catro meses. A formación nacionalista explicou que o servizo, compartido co veciño concello de Xove, é unha demanda que vai en aumento especialmente nun periodo do ano no que se incrementa a poboación no concello, ofrecese como alternativa a derivación a Burela onde neste momento tampouco existe servizo pediátrico por baixa do persoal que presta este servizo no Centro de Saúde burelao. Apuntan, desde o BNG, que Cervo xa perdeu unha praza de medico de familia que foi amortizada pola Xunta do PP en 2013 a pesar da mobilización popular daquel momento, hoxe, non estamos en condicións de permitir unha nova amputación nos servizos sanitarios, moito menos cando o que esta en xogo é a calidade asistencial de nenas e nenos do noso concello.

DEMANDAN AO SERGAS A COBERTURA INMEDIATA DO SERVIZO PEDIATRICO E ANUNCIAN A ROTUNDA NEGATIVA A AMORTIZACION DA PRAZA EXISTENTE

Os concelleiros nacionalistas, Diego Fernández e Xorxe Caldeiro, forzaron o debate da iniciativa mediante a presentación dunha moción pola vía da urxencia, á vista da crecente preocupación social pola falta deste servizo que a Xunta de Galiza do PP continúa sen resolver.
Diego Fernández e Xorxe Caldeiro lograron o acordo da Corporación Cervense para “instar á Xunta de Galiza a cubrir de maneira urxente a praza pediátrica durante o tempo de baixa da titular”, así como, “ante a posibilidade de baixa definitiva da pediatra con praza no Centro de Saúde de San Cibrao, instase a cubrir esta baixa con outra facultativa coa mesma titulación, e que en ningún caso se amortice a praza existente na actualidade.”
ESTAMOS ANTE UN TEMA MOI SENSIBEL NO QUE ESGOTAREMOS TODALAS VIAS AO ALCANCE PARA SOLUCIONALO.
Diego Fernández e Xorxe Caldeiro anunciaron que “este e un primeiro paso para reclamar a cobertura deste servizo sanitario, e non descartan acudir a outras vías no caso de que o problema siga sen solucionarse, xa sexa mediante mais iniciativas institucionais ou chamando a mobilización social.”