O Concello de Viveiro informa aos veciños e veciñas que as obras de pintado que a Xunta de Galicia tiña previsto iniciar na noite do domingo 2 de agosto se pospoñerán á vindeira semana, como consecuencia das previsións meteorolóxicas previstas para ese día

Segundo a información falicitada, a intención é que estas actuacións se inicien o vindeiro xoves, 6 de agosto, en horario nocturno co fin de evitar problemas de tráfico. As labores previstas consisten no pintado da LU-539 (Variante) e da LU-862, dende a glorieta das Sirenas ata Area. O Concello de Viveiro pide disculpas á veciñanza polas molestias que as obras poidan provocar.