Nesta ocasión achéganse 8.400 luvas, 8.600 máscaras e pantallas faciais, 2.000 gorros e calzas, 100 botes e garrafas de xel desinfectante e máis de 300 batas.
Desde o inicio da situación de emerxencia sanitaria, a Xunta leva entregadas máis de 300.000 unidades de protección que chegaron a todos os centros da comarca que figuran no rexistro autonómico, tanto xestionados por administracións públicas como por asociacións, fundacións e outras entidades sociais.
As entregas realízanse en centros de maiores, menores, discapacidade, inclusión, igualdade e xuventude existentes nos concellos lugueses. A Administración galega quere contribuír así a que o persoal destes servizos, máis vulnerables ao contaxio por coronavirus, poida traballar de forma segura.