Os obxectivos da 17 burelista non cambian neste novo desafío: “Burela é un equipo feito para gañalo todo. Tanto eu coma todo o equipo queremos seguir na liña e no nivel no que rematamos a pasada tempada”, advertía Ale facendo referencia ao título de liga alcanzado no play off exprés de Málaga, o mellor dos alicientes para encamiñar coas máximas expectativas, como se reflicte sempre na filosofía das Guerreiras, un exercicio que se presenta certamente diferente: “Tendo a afección que ten o Pescados Rubén está claro que notaremos a súa ausencia, porque sábado tras sábado estaban en Vista Alegre ao pé de canón tirando de nós en todo momento” explicaba a xogadora de Ferrolterra, desexando que a liga poida recuperar aos poucos toda a súa emoción e esplendor dentro e fóra das pistas.