Por elo dende CxG Burela, solicitamos un “Plan de Tráfico especifico” elaborado por técnicos, tamén sanitarios. Tendo en conta a nova realidade e a normativa en educación, non se pode acompañar aos estudantes ao centro, producirase necesariamente un aumento notable de vehículos no entorno dos centros escolares e garderías. A maiores a proximidade do Hospital da Mariña con varios centros complica a circulación.
Esta situación demanda unha actuación concreta e rigorosa na aplicación da regulación do tráfico que ten que ir máis aló da presenza da policía local. Medidas concretas para evitar aglomeracións e fomentar un acceso ordenado aos centros evitando poñer en risco ás crianzas, co mínimo contacto posible e co risco controlado.
De non facer unha actuación neste senso imos ter problemas e conflito do que será responsable único o Alcalde, pola súa deixadez de funcións, xa que está é unha competencia netamente municipal.