“A falta dun plan de residuos amósase cando Ribadeo amence durante o mes de agosto deste ano sen limpar e con gran cantidade de lixo nas rúas, unha situación que se acrecenta nas fins de semana”, denuncia.
A popular recorda que “en setembro do 2019 o Grupo Municipal do PP presentou unha moción para que o goberno local amosase o Plan de Residuos para o municipio de Ribadeo. A pesar de que o goberno do BNG di dispoñer deste plan, ata a data, non o puidemos coñecer”. Nese sentido, a vicevoceira condena que “o grupo do BNG votase en contra desa moción, como é costume cando se pide algo para Ribadeo”.
Sierra asegura que “os veciños xa estamos fartos. Queremos un Ribadeo limpo e sen os malos olores que desprenden día si e día tamén os colectores do lixo”, conclúe.