Nesta Escola participan nenos e nenas con idades comprendidas entre os 3 e os 11 anos, en horario de luns a venres de oito da mañá a tres da tarde. Ademais, os pais poden reservar a praza por semanas co fin de axudar a conciliar mellor a vida familiar e laboral, algo clave que se reflicte nos bos resultados que obtiveron con esta iniciativa durante o último mes. A Escola de Minitalentos ofrece un programa onde se realizan actividades de reforzo, programas de intelixencia emocional, musical ou expresión corporal, coas que os nenos gozaron e aprenderon, e que contan cun gran éxito de participación.
