O mediocentro Jorge e o meta Bugui seguirán un ano máis defendendo o At. Lourenzá

 Lourenzá, 22 de agosto, 2020. Coas renovacións dos xogadores Jorge e Bugui, xa son agora mesmo 12 (Recalde, Montxo, José Antonio, Yago, Luís Santamarina, Diego Juve, Noé, Garrafín, Paulo e a alta de Clemente ) os xogadores que sellaron o seu compromiso de cara á vindeira incerta tempada. Na vindeira semana comunicarase cómo quedaría perfilado o plantel coas últimas altas, que non será de máis de 18 xogadores do primeiro equipo porque o míster quere así contar con 3 ou 4 xuvenís de último ano para que dispoñan de minutos na categoría

Jorge e Bugui non necesitan moita presentación pois levan co equipo dende os 6 anos.

Jorge: “Motivado e orgulloso de vestir un ano máis a camiseta do atleti, esperemos que falten moitos máis. Doutra banda, decir que todos estamos desexando que comece a nova tempada ao lado do novo míster Roberto Ramallal, para demostrar que somos un gran equipo”

Bugui: “Confío en que esta tempada sexa a do asentamento do Lourenzá en primeira, posto que nesta última campaña fumos moito máis competitivos do que os resultados e a clasificación reflexaron. Toca aprender, traballar e corrixir eses erros que tanto nos penalizaron para conseguir o noso obxectivo. Estou convencido de que o conseguiremos”

—