Tres medallas da atleta do ‘Ría de Foz’ Rosalía Rodríguez no Campionato de Galicia en pista ao aire libre

 Foz, 30 de agosto, 2020. Destacadísimo papel da atleta do Club de Atletismo ‘Ría de Foz’, Rosalía Rodríguez-Gigirey, no Campionato de Galicia en pista ao aire libre, que se disputou na cidade da Coruña ao longo desta fin de semana.

A atleta focega vén de conseguir, no Campionato de Galicia en pista ao aire libre, un triplete de medallas. Rosalía rematou este campionato galego coroándose como:

-CAMPIOA GALEGA SUB 23 de 800ml (mellor marca persoal)
-CAMPIOA GALEGA SUB 23 de 400ml
-SUBCAMPIOA GALEGA SUB 23 de 400 m valados

Formidable papel o rexistrado por Rosalía acadando medallas nas tres probas nas que participaba. Aledámonos, ademais, de que o Club Atletismo ‘Ría de Foz’, entidade con só catro anos de vida, siga a se facer un nome nas probas federadas do atletismo galego.