Aínda que as competencias en materia de educación son da Xunta de Galicia, o concello encárgase das tarefas de limpeza e do servizo de conserxería, polo que no concello queren unha coordinación constante cos centros.
“Reforzaremos o servizo de limpeza e desinfección dos centros para reducir o risco de contaxio, estamos a disposición dos centros para comezar o curso nas mellores condicións posibles”, explica a alcaldesa, María Loureiro.
Os conserxes recibirán ademais formación específica sobre temas relacionados co coronavirus.
A reunión desta mañá desenvolveuse nun ambiente de máxima colaboración e o concello estará en contacto permanente cos responsables dos centros.