As diferentes actividades teñen como obxectivo destacar a riqueza cultural, natural e humana vinculada co Camiño de Santiago na Mariña Lucense. Con isto preténdese divulgar e promocionar os diferentes recursos localizados neste territorio para o desfrute e coñecemento tanto da poboación local como para os visitantes.
A terceira actividade terá lugar no Concello de Mondoñedo. Comezará cunha visita guiada ao Barrio dos Muíños, onde se atopan os antigos talleres artesáns dos ferreiros e oleiros do lugar. A continuación realizarase unha visita ao taller do canteiro, onde se realizará un obradoiro, no cal os participantes poderán presenciar in situ como o artesán realiza a súa actividade.
Ademais, debido á situación xerada polo COVID-19 levaranse a cabo unha serie de medidas de prevención para limitar o risco de contaxio entre os asistentes coma a organización en grupos reducidos e a utilización da máscara e do xel desinfectante.
Todas as actividades levadas a cabo neste proxecto son totalmente gratuítas e teñen prazas limitadas. Para mais información, pode contactarse con terrasdemiranda.turismo@gmail.com ou no 673 472 735.