Estes traballos, que estarán rematados previsiblemente a vindeira semana, veñen sumarse a outras actuacións de saneamento que se foron acometendo días atrás en San Ciprián, en concreto na Rúa do Cobo; tamén entre as rúas Aduana e Pena Mea; e no cruce da rúa da Caosa coas rúas Hospital, do Lugar e da Rúa do Campos.
As actuacións supoñen un orzamento de 23.600 euros, procedentes do Fondo de Compensación Ambiental, da Consellería de Presidencia da Xunta de Galicia.
Tal e como precisou o rexedor, Alfonso Villares, “desde o Concello decidimos destinar estes fondos a estas infraestruturas básicas, que non se ven, que están soterradas, pero que supoñen unha mellora da calidade de vida da veciñanza, e que para nós son actuacións esenciais que ocupan un lugar moi destacado na nosa acción de goberno”.
