Dani Trigo súmase ao Club de Atletismo ‘Ría de Foz’

 Foz, 30 de novembro, 2020. Di unha frase ben coñecida que: “os vellos rockeiros nunca morren”. Este rockeiro, que acumula moitos quilómetros nas súas pernas, regresa á competición coa ilusión de amosar que aínda ten moita corda. Ata o ‘Ría de Foz’ trae a súa música Daniel Trigo (Ferreira do Valadouro, 1985). Dani é un vello coñecido do mundo do atletismo mariñao e lucense. A súa bagaxe atlética conta cun extenso número de probas realizadas ao longo da xeografía galega, nas que se inclúen vitorias e podios.

Despois de facer fronte a máis dunha lesión, Dani volve con máis ganas ca nunca ao circuíto competitivo. Centrarase, especialmente, nas probas de medio maratón e maratón, pero sen perder de vista calquera das probas de ruta ou cross. Para aqueles que non o poidan coñecer, aquí deixamos un rexistro das súas mellores marcas persoais en ruta:

5K: 15’30”
10K: 32’01”
21K: 1h09′

Desde o ‘Ría de Foz’ aledámonos moito de que Dani escolla as nosas cores para calzar as zapatillas. Coa súa incorporación, gañamos un gran atleta e unha persoa moi preparada no campo do adestramento atlético.