O empresario ribadense Roberto Ramos é relator nun seminario dirixido por Albert Rivera. Comparte cartel con Alberto Ruiz Gallardón, Leopoldo López e Luís Figo, entre outros

 Ribadeo, 26 de novembro de 2020. O empresario Roberto Ramos Piñeiro, natural de Lugo e veciño de Ribadeo, é un dos relatores nun seminario en liña de liderado e comunicación dirixido por Albert Rivera. Celebrarase este sábado, día 28, de 10:00 a 14:00 horas e titúlase Líderes en el cambio.
Roberto Ramos, que é socio fundador e CEO do grupo empresarial Be One Fitness & Sport / Serviocio, comparte cartel no seminario con relatores como Alberto Ruiz Gallardón (ex alcalde de Madrid e ex ministro de Xustiza); o político venezolano Leopoldo López; os ex futbolistas Luís Figo e Albert Luque; o adestrador de baloncesto e conselleiro de Educación e Deportes en Andalucía, Javier Imbroda; e o empresario Dimas Gimeno (foi presidente do Corte Inglés de 2014 a 2018), entre outros.
Ramos Piñeiro forma parte do panel de liderado empresarial do seminario, sobre o que hai máis información en: https://albertrivera.es/seminario.