O enfrontamento está integrado nas accións do I Plan de Patrocinio dos Equipos de Alta Competición Femininos de 1º Máximo Nivel Estatal da Xunta de Galicia, presentado o pasado 16 de novembro pola Consellería de Emprego e Igualdade, a Secretaría Xeral para o Deporte e a Fundación Deporte Galego. A través desta iniciativa, o fútbol sala de elite, con Pescados Rubén Burela FS, Ourense Envialia, Poio Pescamar e Cidade das Burgas, figura como o escaparate perfecto para poñer en valor a importancia de deporte como medio de fomento da actividade física saudable e como ferramenta de loita pola tolerancia igualdade e non violencia de xénero no deporte e na vida. Tamén son beneficiarios nesta primeira edición Ensino Lugo en baloncesto, Porriño e Atlético Guardés en balonmán, Real Club Deportivo en fútbol e Club de Arquitectura Técnica en rugby, ademais de Sófbol Cambre.