A cita volverá reunir as dúas escuadras galegas nunha final tras a disputada en Málaga o pasado 20 de decembro na segunda edición da Copa da Raíña, coa reválida do título para as burelistas.
Co apoio e implicación da Deputación de Lugo e o Concello de Burela, a Real Federación Española de Fútbol volve confiar na localidade mariñá tras ser o escenario da Copa de España en 2011 e 2014 e a I Copa de S. M. A Raíña en 2019.
Ence Marín Futsal, nunha nova andaina copeira
O anuncio oficial de Burela como sede de Supercopa por parte da seleccionadora nacional, Clàudia Pons, coincidiu esta mañá co sorteo de oitavos da Copa da Raíña 2020-21, eliminatoria na que estreará a súa andaina o Pescados Rubén defendendo a coroa. Ence Marín Futsal será o rival da eliminatoria, a partido único, con data marcada pola RFEF para o 4 de xaneiro.