“As bolsas, moi de Ribadeo, teñen presente a Luz Pozo Garza a través dun dos seus poemas e tamén destacan o paso do Camiño Norte pola nosa vila”, explica Vega. O voceiro popular engade, neste sentido, que “estamos preparando xa o Xacobeo 2021 e promocionando Ribadeo como porta de entrada en Galicia do Camiño Norte. Debemos xestionar recursos para o noso pobo con motivo do ano Xacobeo e sacarlle proveito ao Camiño”, defende.
Vídeo promocional de Ribadeo no Nadal
Vega sinala que “hoxe preséntase o vídeo promocional ‘Ribadeo no Nadal’ dentro da campaña ‘Ribadeo seguro’ para dinamizar as compras no municipio porque, a pesar da preocupación de todos pola actual situación sanitaria, debemos seguir traballando e impulsando iniciativas para que o noso pobo siga medrando”.
O voceiro popular cre, neste sentido, que “apoiar a todos é o camiño acertado”. E di que “todas estas xestións e colaboracións responden ao traballo para impulsar Ribadeo e, en definitiva, supoñen querer e respectar Ribadeo”.