O Presidente, José Tomé Roca, subliñou o “compromiso e a aposta decidida da Deputación para garantir medidas que melloren a calidade de vida e benestar dos 32 nenas e nenos con capacidades diferentes que integran este colectivo da Mariña, así como das máis das 60 familias que o forman”.
Coa posta en marcha deste servizo de ambulatorio preténdese dotar ás familias de recursos, hábitos e habilidades, para que pouco a pouco os nenos e nenas adquiran estratexias que supoñan o desenvolvemento de capacidades para o desenvolvemento da súa vida cotiá, así como os medios para que poidan entenderse e comunicarse cos seus fillos. Con este servizo abarcan toda a comarca da Mariña.
APNED
A Asociación de Pais e Nais de Nenos con Discapacidade da Mariña Lucense é un colectivo sen ánimo de lucro, creado no ano 2001 por pais e nais de nenos e nenas con capacidades diferentes que ofrece, a día de hoxe, atención individualizada a usuarios de concellos mariñáns. Este colectivo creouse co fin de dar un servizo de atención e integración nun contexto ordinario, traballando na súa autonomía e en aspectos relacionados coa vida diaria. APNED ofrece atención, integración e apoio a todo tipo de usuarios con capacidades diferentes.