No caso da LU-P-2901, que comunica Lugo con Palas de Rei, actuarase no tramo que vai do quilómetro 3,340 ao 5,400, á altura do municipio lucense. “Trátase dun proxecto adxudicado en 85.000€ que é importante para os concellos de Palas e Lugo, pero tamén para o conxunto da provincia, porque trátase da estrada que dá acceso á autovía de Santiago”, dixo García Porto.
Pola súa banda, a LU-P-3807 é a vía máis rápida que teñen os veciños da parroquia de San Pantaleón para chegar a Ourol e Viveiro. A Deputación inviste preto de 95.500€ nos traballos de mellora, que se realizarán nun treito de máis de 7 quilómetros, entre os puntos quilométricos 0,630 e 7,950, e consistirán no acondicionamento da vía e na reposición de liñas e marcas viarias reflexivas brancas. O prazo de execución das actuacións é de 9 meses.
Listaxe de emprego en Protocolo
A Xunta de Goberno tamén aprobou a convocatoria e as bases específicas para constituír unha listaxe de emprego de técnico superior en protocolo para prestar servizos de carácter temporal na Deputación de Lugo. “Unha medida que responde á necesidade do servizo, para xestionar con axilidade a incorporación de efectivos deste tipo cando sexa preciso e estea xustificada a súa incorporación”, detallou a deputada.