Sen estrea da segunda volta
Esta será a segunda semana consecutiva para o Pescados Rubén Burela FS sen competición. A xornada pasada, coincidindo co inicio da segunda volta, foi aprazada por petición do Alcorcón FSF debido ás consecuencias do temporal de neve.
Despois de cumprir o protocolo marcado polo corpo médico e tras superar os test pertinentes, parte do grupo do Pescados Rubén está adestrando dende onte. A xogadora que deu positivo, que se atopa sen síntomas, permanecerá en illamento ata finais de semana, igual que o grupo de contactos directos dentro do equipo.