Efrén Castro explicou que “se está a estudar a fórmula para que as entidades se beneficien do investimento que a área de Deportes destina á Federación Galega de Fútbol para a organización do torneo”.
O deputado lembrou que “malia as suspensións e paróns das competicións, a área de Deportes mantivo todas as liñas de axuda e investimentos previstos para clubs e entidades deportivas e farémolo así tamén coa Copa Deputación de Fútbol. Iso é o que trasladamos tanto á Federación como aos clubs que se dirixiron a área de Deportes”, asegurou.
Castro desmentiu así as declaracións do deputado popular Óscar Poy en relación co torneo, que calificou como “inxustificadas e ridículas xa que son precisamente os recursos da Deputación e dos concellos os que están a manter o deporte de base e afeccionado nesta situación de pandemia, fronte a unha Xunta de Galiza que mira para outro lado, tanto nesta como noutras cuestións”.