Nunha videoconferencia na que participaron os presidentes e a presidenta das tres institucións provinciais, José Tomé Roca, Valentín González Formoso e Carmela Silva, os mandatarios provinciais subliñaron que todas as deputacións e a maioría de concellos puxeron xa en marcha liñas de axudas para apoiar ao sectores produtivos máis afectados pola pandemia.
A pesar de tratarse dunha competencia autonómica, o mundo municipal demostrou unha vez máis ser o máis cercano á cidadanía dando unha resposta moito antes que a Xunta de Galicia, que chega un ano tarde.
Cómpre lembrar que estas axudas municipais e provinciais a sectores coma a hostalería ou o pequeno comercio fixéronse con recurso propios, sen o apoio económico da Xunta, a pesar de tratrase dunha competencia autonómica e de que a Xunta de Galicia recibiu máis de 200 millóns de euros do Goberno de España para poñer en marcha programas destas características.
As deputacións de Lugo, Coruña e Pontevedra esixen, ademais, que a Xunta incremente o seu apoio a sectores como o da hostalería ou o pequeno comercio implantando bonificacións fiscais nos impostos de carácter autónomico que carga a estes sectores, como o canon de tratamento de lixo de Sogama, o canon de augas ou o tramo autonómico do IRPF. As tres deputación entenden que as entidades locais fixeron un importante esforzo bonificando ou suprimindo temporalmente taxas e impostos, mentres que a Xunta mantén a súa presión fiscal aos sectores máis afectados.
José Tomé, Valentín González e Carmela Silva coincidiron tamén en subliñar “a falta de repecto e lealdade institucional” da administración autonómica na forma en que se deu a coñecer o fondo de cooperación, sen pactalo previamente coas entidades locais, que xa teñen en marcha os seus propios plans para paliar os efectos económicos da pandemia. A cogobernanza que Feijóo pide ao Goberno de España non a aplica en Galicia.
Así mesmo, os tres titulares dos gobernos provinciais de Lugo, a Coruña e Pontevedra dirixíronse desde o inicio da pandemia e en reiteradas ocasións ao presidente da Xunta de Galicia, Alberto Núñez Feijoo, para solicitarlle que coordine as accións de apoio aos sectores máis afectados pola crise. Unha solicitude que o presidente da Xunta ignorou e que agora pretende impor sen falar sequera coas administracións locais.
As deputacións da Coruña, Lugo e Pontevedra entenden que a Xunta debe asumir as súas competencias. Ten recursos para facelo e a colaboración do Goberno de España, que transferiu millóns de euros para apoiar ás autonomías na reactivación social e económica.
