Maas+Saúde, a clínica oficial do Pescados Rubén Burela FS, recibiu nas súas instalacións en Foz os capitáns Peque e Edu, que se quixeron achegar para compartir a alegría dos últimos títulos, conquistados o pasado 9 de xaneiro, a Supercopa de España Feminina e a Copa Galicia Masculina

O centro, dirixido por Marta Saa Fernández e que coida da saúde dos equipos laranxas dende 2019-20, reafirmou esta tempada o seu acordo coa entidade laranxa, supervisando non só a posta a punto de inicio de competición e co seguimento do cardiólogo Fernando Rebollal Leal, senón cos exhaustivos controis semanais de Protocolo Covid-19.