Burela, 30 de xaneiro, 2021. O Pescados Rubén Burela FS vén de solicitar á RFEF o aprazamento do vindeiro compromiso de Primeira Masculina, a visita do Córdoba Patrimonio de la Humanidad o 6 de febreiro, pola aparición de 2 casos Covid-19 nas filas laranxas, 1 xogador e 1 membro do corpo técnico.
De acordo ao indicado polas autoridades sanitarias e baixo a supervisión do corpo médico da entidade, o equipo deberá permanecer en confinamento ata o sábado 6, data marcada no calendario para a disputa da xornada 19, tras o parón FIFA por seleccións da competición regular desta fin de semana.
