Refírense á adxudicación das obras da nave de redes do porto por valor de 267.000 euros e ao espazo que habilitará a administración autonómica na residencia para que os usuarios poidan saír e practicar deporte, así como a outras actuacións licitadas en 190.000 euros.
Deste xeito, segundo os populares, “a Xunta de Galicia saca para diante todo o que está a comprometer con Burela, sen ningún tipo de venda interesada de fume, tal e como si está a facer dende a alcaldía o Sr. Llano e o seu equipo”.
“A seriedade e o rigor que caracterizan as decisións tomadas pola Xunta de Galicia en Burela son a mellor garantía para o futuro inmediato da nosa vila” e, aclaran dende o PP, “se este tipo de decisións foran tomadas con determinación por parte do Concello dirixido polo Sr. Llano, canto mellor non lle iría a toda a veciñanza da nosa localidade”.