De 11.00 a 14.00 horas disputaranse as probas ao aire libre, 300 ml (sub 16), 800 ml (sub 18 a Máster), 1000 ml (sub 16), 3000 ml (sub 18 a Máster) e lanzamento de xavelina.De 17.00 a 20.00 horas, no módulo cuberto, celebraranse as probas de salto de lonxitude e salto de altura, 60 ml (sub 16 a Máster) e 60 metros valos.
O deputado de Deportes, Efrén Castro, sinalou que “se trata da décimo primeira edición do campionato, moi valorado polos clubs que atopan unha oportunidade para ir consolidando a capacidade competitiva das e dos atletas. O atletismo lucense está nun gran momento, con atletas de distintas modalidades no máis alto dos ránkings a nivel estatal, e pensamos que a continuidade deste tipo de competicións axuda a que a canteira siga medrando. Neste caso, a disputa da Copa é unha dobre boa nova, porque supón a volta á actividade despois do parón das competicións federadas autonómicas o pasado mes de xaneiro”.
O vicepresidente da Federación Galega de Atletismo, Jesús Vázquez, agradeceu “a colaboración da Área de Deportes, que está facendo unha importante laboura na promoción do deporte na provincia e do atletismo en particular”.
A área de Deportes achega 5.000 euros á organización da Copa Deputación.
Clubs lucenses
Lucus Caixa Rural, Atlética Lucense, Franciscanos, Atletismo Friol, CCA Ría de Foz, A Gándara de Monforte, Lugo Running, Verxel Nutrición e Maderas Barcia Lourenzá son os clubs lucenses que contan con atletas inscritos/as na competición.
Próximas datas
As vindeiras xornadas celebraranse os días 6 e 13 de marzo. En función da evolución da situación sanitaria, fixaranse as datas doutras dúas xornadas máis.