Daniel Vega asegura que a vacinación do persoal que coida aos maiores supón “dar pasos correctos cara a un Ribadeo seguro fronte á covid-19”

Ribadeo, 1 de marzo, 2021. O voceiro do Grupo Municipal do PP de Ribadeo, Daniel Vega, destaca a importancia da vacinación fronte ao coronavirus das persoas que traballan coidando aos maiores do municipio nas súas casas ou no centro de día porque iso supón “dar os pasos máis correctos cara a un Ribadeo seguro fronte á covid-19”.

Vega lembra que “fai uns días vacinábanse todas as persoas das residencias de maiores e, agora, tócalle recibir a primeira dose da vacina ao persoal do servizo de axuda no fogar (SAF) e do centro de día”, indica.