Un total de oito equipos, os catro primeiros clasificados dos Grupos A e B, formarán o Subgrupo C para pelexar por unha praza para o play off ao longo dunha segunda liga de ida e volta que se prolongará ata o 29 de maio. Xunto ás Guerreiras, liderando o B, están Torreblanca Melilla, AD Alcorcón e Móstoles FSF. Do Grupo A, entran en lide Futsi Atlético Navalcarnero, STV Roldán, Poio Pescamar FSF e Ourense Envialia.
Despois de non compartir competición con conxuntos galegos, as mariñás terán un arranque con arrecendo irmandiño; tras a xornada inaugural na cidade das Burgas, disputarán o primeiro partido en Vista Alegre con Poio Pescamar FSF, o 3 de abril.
O ansiado clásico de titáns tamén pasará antes pola Bomboneira, coa visita de Futsi na xornada 4, co peche da primeira volta, o 17 de abril. O 29 de maio as Guerreiras porán o broche coa xornada 8 en La Estación.