Con ese motivo, o conselleiro Román Rodríguez e o propio Daniel Vega recibiron no Parlamento de Galicia aos membros da asociación de actividades subacuáticas Illa Pancha de Ribadeo e a outros membros que integran o proxecto Argos. Trátase de arqueólogos, restauradores e mergulladores que están a levar a cabo a súa segunda fase de estudo da riqueza patrimonial da ría de cara á súa difusión tanto científica coma social ou fotógrafos e operadores de cámara responsables da captura de imaxes debaixo da auga dirixidas á realización dun documental e dunha exposición fotográfica.
Estas actividades culturais ás que se sumarán outras coma charlas divulgativas recollen os estudos dos profesionais para dalos a coñecer á sociedade en xeral e aos veciños de Ribadeo en particular. “Este material permitiranos coñecer mellor a riqueza da nosa ría e ser conscientes da súa relevancia histórica”, manifestou Vega.
Vega apuntou tamén que “ademais de defender o nome oficial que recibiu historicamente a ría de Ribadeo, traballamos e apoiamos con feitos proxectos para a súa posta en valor”.