O equipo masculino do Pescados Rubén entra en illamento pola aparición de 2 casos positivos

Burela, 28 de abril, 2021. O cadro do Pescados Rubén Burela FS de Primeira Masculina activou esta mañá o illamento domiciliario de corpo técnico e xogadores debido á aparición de 2 casos positivos en Covid-19 nos test de antíxenos realizados semanalmente.

De acordo co protocolo marcado polo Sergas e baixo a supervisión do servizo médico do club, o equipo de Sito Rivera suspenderá a actividade dos próximos 10 días. Todos os integrantes se atopan ben, sen síntomas.

O calendario dos vindeiros partidos da escuadra laranxa quedará supeditado á resolución do Xuíz de Competición da RFEF.