O obxectivo é mellorar as condicións destes elementos tras as adversas condicións meteorolóxicas e os sucesivos temporais de choiva e neve do pasado inverno, que contribuíron a acelerar o seu deterioro.
O orzamento das obras ascende a 600.000 euros. Deles, investiranse 400.000 euros para reparar os tramos da autovía do Noroeste (A-6) entre os km 431,9 e 463,4, mentres que 200.000 serán para reparar a autovía do Cantábrico (A-8) entre os km 578,1 e 593,0. Actuarase nos termos municipais de Guitiriz, Begonte, Baralla, Becerreá (incluíndose a contorna do túnel de Cereixal), As Nogais e Pedrafita do Cebreiro, na A-6; e Vilalba, na A-8.
Os traballos desenvolveranse a partir de mañá, 26 de maio, e prevese que, a expensas da climatoloxía, poidan quedar concluídos durante o mes de xullo.