As obras afectarán a uns 4 quilómetros da estrada, entre os puntos quilométricos 16,9 e 20,4. Consistirán na reapertura de cunetas, na pavimentación de aglomerado en quente e na sinalización horizontal.
A institución provincial subliña a importancia destas obras, pois esta vía soporta un elevado volume de tráfico debido aos traballos que realiza unha canteira situada no núcleo de Xemil, xustamente por onde transcorre a estrada. Así mesmo, a LU-P-1106, que vai dende o cruce de Bretoña ata Campo do Oso, é moi utilizada como saída cara Mondoñedo.