Os comercios de Foz ofrecerán importantes promocións durante esas dúas xornadas, que comezarán no 21%, pero que nalgúns casos chegarán ata o 50%.
O presidente de AciaFozCCA, José Carlos Paleo, sinalou que “os días 25 e 26 de xuño, este venres e este sábado, será un bo momento para achegarse ao comercio de Foz a mercar roupa, calzado, complementos… de tempada a prezos moi interesantes”.
E engadiu que “podemos pasear polas rúas de Foz, botar un ollo aos escaparates, comprar e aproveitar para gozar da ampla oferta hostaleira da nosa vila, que afronta o verán de 2021 con boas expectativas”.