O edil dixo que “as escolas deportivas de verán xa deron comezo esta semana, concretamente o día 22 empezamos con surf. Están todas as prazas cubertas excepto en pesca deportiva que aínda quedan algunhas e ata o día 4 de xullo están a tempo para anotarse”.
Díaz Freije sinalou que “son arredor de case cen prazas as que sacamos tanto para pesca deportiva como surf, piragüismo e vela, que son as modalidades que este ano están nas escolas de verán. Marcha todo ben e os nenos e nenas están moi animados, vexo que con ganas, dentro deste proceso que estamos a vivir coa pandemia. Desexo que desfruten e quero animalos a que aproveiten e o pasen moi ben”.