Este xoves iniciouse o Programa Xove Concilia Verán, con 60 menores anotados, en horario de 9 a 14 h. dende o 24 de xuño ata o 7 de setembro. O Programa, subvencionado pola Secretaría Xeral de Igualdade e polo Fondo Social Europeo no programa operativo FSE Galicia 2014/2020, responde ao obxectivo do Concello de Xove de facilitar a conciliación da vida familiar, laboral e persoal das familias do municipio durante o estío.
