O Sergas realizará este venres en Ribadeo un cribado entre os mozos e mozas de entre 18 e 29 anos. O voceiro do Grupo Municipal Popular, Daniel Vega, convida á mocidade que sexa convocada a acudir a realizar as probas apelando á responsabilidade e co obxectivo de “protexer aos nosos seres queridos e aos nosos sectores económicos afectados como a hostelería ou o comercio”. Vega defende que “debemos ser todos sumamente responsables e cumprir as normas sanitarias” para contribuír na loita contra a pandemia.
