“Tras ter coñecemento de que o alcalde de Ribadeo deu positivo por covid-19, quero desexarlle no meu nome e no de todo o Grupo Municipal Popular unha pronta recuperación. Como non podía ser doutro xeito ante esta circunstancia, poñémonos a disposición do goberno local para o que poda precisar. Queremos recordar tamén a todos a importancia de extremar a prudencia e o respecto á normativa sanitaria ante o incremento de casos que se están a rexistrar na que se coñece xa como quinta onda”.
