A responsable comarcal da formación xuvenil, a xovense Pilar Vázquez indicou que “estes actos realizámolos en clave de solidariedade co sector pesqueiro, un sector sempre no fío da navalla, vítima sempre de decisións tomadas por administracións nas que Galiza é marxinada e ninguneada, coma nos casos do recente Regulamento Europeo de Pesca ou no reparto de cotas”.
Bandeira de solidariedade para a defensa da nosa pesca
O sector pesqueiro na Mariña representa unha parte importantísima da nosa economía e os produtos pesqueiros da nosa flota que se comercializan nos diferentes mercados do Estado e Europa son tamén bandeira da nosa comarca, bandeira do noso traballo e do noso esforzo. Neste sentido expresouse a responsable comarcal de Galiza Nova, que tamén afirmou que “nos mares donde faenan os nosos barcos e os nosos mariñeiros hai moitas bandeiras de moitos países que en moitos casos imponen as súas normas amparados pola UE en detrimento dos nosos intereses, por eso nós temos que tirar da bandeira da solidariedade e da defensa dos nosos intereses”
Desde Galiza Nova convidan tamén a pendurar a bandeira galega nas fiestras das vivendas en toda a Mariña o día 25 de xullo.